Այսօր կանդրադառնանք 2022 թվականի գրաֆիկ դիզայնի թոփ 5 թրենդներին։
1․ 90-ականների նոստալգիա
90-ականները վերադառնում են տարբեր ձևաչափերով։ Այս տենդենցը հիմնված է նոստալգիայի՝ դեպի կարոտած ու իդեալականացված անցյալի վրա։ Մինիմալիստական ոճով համադրված վառ գույները երջանիկ մանկությունից հուշեր են արթնացնում։
![](https://static.tildacdn.com/tild3138-3564-4439-a238-313262636532/blog_post_posters555.jpg)
2․ Արտահայտիչ և ոչ ստանդարտ գրվածքներ
Հեշտ ընթեռնելիության սահմաններն ընդլայնվում են՝ տեղ տալով ստեղծագործական ձևերին։ Փորձերի և ինքնաարտահայտման վրա հիմնված այս թրենդը մարտահրավեր է նետում աբստրակտ և ընթեռնելի տառատեսակների միջև տարբերակվածությանը։
Պահպանողական լսարանի համար սա կարող է ռիսկային լինել, սակայն կհաղթի նա, ով ստեղծագործելու համար բավականաչափ համարձակ կգտնվի։
![](https://static.tildacdn.com/tild6465-6662-4333-a332-353137616534/crumpled_poster_with.png)
3․ Անտի-դիզայն
Գրաֆիկական դիզայնի տարբեր հավելվածների ստեղծումը հեշտացրել է գեղեցիկ վիզուալներ ստեղծելու գործընթացը, սակայն դրանց հետևանքով համացանցը լցվել է միօրինակ ու չտարբերվող աշխատանքներով։ Միօրինակությունը կոտրելու և ստանդարտներից դուրս գալու համար ստեղծվել է դիզայնի նոր ուղղություն՝ անտի-դիզայն։ Այն խուսափում է դիզայնի ավանդական սկզբունքներից: Այս նոր ուղղությունը մարտահրավեր է, որտեղ գերիշխում են անհամաչափությունները, հակադիր գույները, դատարկ ինտերֆեյսները, մեծ քանակությամբ տարրերն ու խիստ ֆոնտերը։
Անտի-դիզայնը ազատ է ուրիշների կողմից ստեղծած գեղեցկության չափորոշիչներից։
![](https://static.tildacdn.com/tild3530-3733-4737-a439-366165643933/blog_post_posters555.jpg)
4․ Doodle-ներ
Այն, ինչ դուք նկարում եք առանց մտածելու, կարող է շատ բան ասել ձեր մասին։ Նման doodle-ները անձնական են, և 2022 թ․-ին դիզայներները իրենց մասնագիտական աշխատանքի մեջ ներդնում են իրենց սեփական վերացական մտածողության մի մասնիկը: Սա կարող է հաղթահարել թվային գործիքների և մարդու աշխատանքի միջև եղած բացը՝ ստեղծելով ընկալելի դիզայններ: Միևնույն ժամանակ, դա չպետք է հակասի թվային դիզայնին։
![](https://static.tildacdn.com/tild3630-6136-4565-b366-613933656466/Sarah_Matuszewski.png)
5․ Ukiyo-e հարթ դիզայն
Ukiyo-e-ն ուղղություն է ճապոնական կիրառական արվեստում, որը տարածում է ստացել 17-րդ դարում։ Աշխատանքներն իրենցից ներկայացնում էին փայտի վրա գունավոր փորագրություններ՝ արտահայտիչ ուրվագծեր, գունավոր հարթություններ, սահմանափակ հեռապատկերներ։ Այսօր դիզայներներն օգտագործում են նմանատիպ մեթոդներ սովորական հարթ վեկտորային տեսարաններին նույն արտասովոր էֆեկտը հաղորդելու համար։
![](https://static.tildacdn.com/tild3464-3263-4464-b434-333765333362/FAGOSTUDIO.png)
Այսօր մարդկությունը գերադասում է պարզ ու հասկանալի դիզայներական լուծումներ, որոնք նոր շունչ են հաղորդում հին ոճերին։
Հետևեք թրենդներին և ստեղծեք այնպիսի դիզայններ, որոնք կլինեն ոչ միայն թրենդային, այլև ընկալելի լսարանի համար։