5 գործիք, որոնք կօգնեն Ձեզ SMM-ում

Շատերը կարծում են, թե SMM-ը պարզ ու հեշտ մասնագիտություն է և հնարավոր է մի քանի շաբաթում, որոշ դասընթացներով այն սովորել և ունենալ երազանքների մասնագիտություն՝ աշխատել տանից, կամ սրճարանից, կամ էլ ծովի ափին պառկած։ Սակայն, սկսելով աշխատել` բացահայտում ես, որ դու դեռ կարիք ունես ավելի ու ավելի շատ նոր գիտելիքների ու հմտությունների, որոնց ձեռքբերումը քեզնից լրացուցիչ ժամանակ և աշխատանք է պահանջում։ Այս ամենը ամենօրյա աշխատանքների հետ ճիշտ համադրելու և աշխատանքային ժամանակը արդյունավետ օգտագործելու համար առանձնացրել ենք 5 գործիք, որոնք օգտագործվում են մեր կողմից և ժամանակի ընթացքում ցույց են տվել իրենց օգտակարությունն SMM-ում։

Գործիք #1PLANN

Plann-ը օնլայն հարթակ է, որը բազմակի անգամ հեշտացնում է Instagram-ի և, առհասարակ, վիզուալ կոնտենտի պլանավորումը։ Այն հիանալի գործիք է թիմերի համար, քանի որ դրա շնորհիվ թիմի մի քանի անդամ միաժամանակ կարող են աշխատել նույն էջում։ Այս գործիքը հնարավորություն է տալիս նաև տեսնել Ձեր լսարանի ակտիվ ժամերը։

Գործիք #2 ZEOOB

Շատ անգամ անհրաժեշտ է լինում ներկայացնել հրապարակման օրինակներ կամ չատերից հատվածներ, բայց միշտ չէ, որ դա հնարավոր է լինում ստանալ screenshot-երի միջոցով։ Այստեղ մեզ օգնության է գալիս Zeoob գործիքը, որը թույլ է տալիս սիմուլացնել սոցիալական ցանցերի, ինչպես նաև WhatsApp-ի և Iphone-ի չատերը։ Այստեղ կարող եք փոփոխել ցանկացած տող, ցանկացած նկար և ստանալ Ձեզ համար ցանկալի պատկեր։

Գործիք #3 SOCIALMENTION

Երբևէ պատահել է, որ Ձեր հաճախորդներից (պատվիրատուներից) ստանաք տեղեկություններ, այն մասին, որ նրանց գործունեության մասին բացասական հրապարակումներ և քննարկումներ կան տարբեր ինտերնետային ռեսուրսներում։ Սակայն Ձեր վարած սոցիալական ցանցերում ամեն ինչ նորմալ է։
SOCIALMENTION գործիքի միջոցով կարող եք հետևել, թե օգտատերերը համացանցում ինչ են խոսում Ձեր ընկերության կամ ապրանքանիշի մասին և ըստ անհրաժեշտության միջամտել քննարկումներին՝ ներգրավվածության ապահովման ու ընկերության իմիջի պահպանման համար։ Հարմար է, այնպես չէ՞։

Գործիք #4 BUZZSUMO

Թրենդերից հետ մնալը բացասաբար է ազդում SMM-ի վրա: Շատ կարևոր է մշտապես տեղյակ լինել նոր թրենդերից և, ինչու ոչ, նաև միանալ դրանց։ Buzzsumo-ի միջոցով կարող եք ուսումնասիրել նորագույն թրենդերը և բաց չթողնել դրանք՝ նպաստելով Ձեր բիզնեսի առաջմղմանը։
Այս գործիքը նախատեսված է ոչ միայն թրենդերի բացահայտման համար, այլև համարվում է արդյունավետ գործիք ինֆլուենսերներ փնտրելու ու գտնելու համար։
Buzzsumo-ն ունի նաև անալիտիկ բաժին, որտեղ կարող եք գտնել Ձեր գործունեության ընդհանուր պատկերը թվային ցուցանիշների ու դիագրամների տեսքով և գնահատել կատարված աշխատանքի արդյունավետությունը։

Գործիք #5 Facebook Ad Library

Գովազդների ուսումնասիրությունը ժամանակատար է։ Բարդ է հստակ կանխատեսել, թե որ գովազդի արդյունավետությունը կլինի առավելագույնը։ Վերջին գործիքը, որի մասին խոսելու ենք այսօր, Facebook Ad Library-ն է։ Facebook-ի քաղաքականությունը թափանցիկ է, և այն երբեք չի խրախուսում թաքնված գործունեությունը։ Դրա համար էլ բոլոր գովազդները, որոնք տեղադրված են Facebook-ում և Instagram-ում, տեսանելի են Facebook Ad library-ում։ Այստեղ ինֆորմացիան սահմանափակ է, օրինակ` հնարավոր չէ տեսնել, թե ինչպիսի՞ լսարանի համար է գովազդը միացվել, կամ որքա՞ն բյուջե է գովազդի համար հատկացված, բայց կա մի շատ ավելի կարևոր կետ, որը բաց է բոլորիս համար: Դա օրացույցն է, այսինքն՝ թե երբվանից է գովազդը միացված։
Շատ մասնագետներ գիտեն, որ հաջողված գովազդի տևողությունը երկար է, քանի որ դրա արդյունավետությունը բարձր է, իսկ այն գովազդները, որոնք արդյունք չեն բերում, շուտ անջատվում են՝ բյուջեն չվատնելու նպատակով։ Հետևաբար, եթե մենք տեսնում ենք, որ մեր մրցակիցները ունեն գովազդ, որը երկար ժամանակ է միացված, կարող ենք կռահել, որ այդ գովազդը նրանց համար արդյունավետ է և կարելի է օգտվել այդ ինֆորմացիայից։

Այս 5 գործիքները անհամեմատ կհեշտացնեն Ձեր աշխատանքը և կարդարացնեն սպասելիքները։ Փորձեք, կիրառեք, ուսումնասիրեք և ինքներդ համոզվեք դրանց հարմարավետության ու կիրառման արդյունավետության հարցում։ Բայց միշտ հիշեք՝ ինչքան էլ հզոր գործիքներ կիրառեք, հաջողությունը կախված է Ձեզնից և միայն Ձեզնից։ Non Gravity-ն Ձեզ հաջողություն է մաղթում և հիշեցնում է, որ Ձեզ մոտ ամեն բան կստացվի։